Soal Latihan UN SMP Bahasa Sunda

Baheula, di hiji kampung aya saurang budak lalaki. Égon ngaran éta budak téh. Hanjakal éta budak téh kacida malesna sarta sok ngalawan ka nu jadi indung. Kalakuan séjénna anu goréng téh nyaéta resep pisan ngadukeun domba.

            Dina hiji poé, Égon indit bari nungtun domba jaluna anu begang lantaran teu diurus muru ka tegalan paranti manéhna ngadukeun domba.

            “Héy, Ro. Yu urang adukeun deui domba téh,” ceuk Egon ka Suhro nu geus nyampak di éta tempat.

            “Ké heula atuh Gon, domba kuring mah can seubeuheun nyatuan,” jawab Suhro.

            “Alaaah....teu pira ogé sato atuh, Ro. Keur naon dipikanyaah ogé, domba mah moal ngartieun ieuh!”

            “Enya ari moal ngartieun téa mah, tapi sarua baé jeung urang hayangeun baranghakan.”

            “Bener, Ro. Sok lah geura prung adukeun, ngarah ramé yeuh!” ceuk Si Aron ngahatéan.

            Ahirna Suhro éléh déét. Domba maranéhna nu can seubeuh nyatuan téh dipaksa sangkan diadu.

            Beletak...beletak...sora tanduk diadu matak linu kadéngéna. Suhro, Égon jeung Aron mah teu boga kapaur sok komo karunya. Maranéhna anggur ting aréngklak  bari sareuri suka pisan ningali domba nu keur silih teunggar téh.

            Lila ogé diaduna éta domba téh. Ahirna domba Égon béakeun tanaga, tuluy lumpat ngajauhan domba Suhro. Suhro jeung Aron ngékéak Égon nu lumpat ngudag dombana anu lumpat kana rungkun.

            “Héy ! Néangan saha manéh ?” teu kanyahoan aya nu nyentak ka Égon. Égon ngalieuk ka lebah datangna éta sora. Gebeg manéhna ngarénjag, sabab nempo hiji lalaki sembada sarta beungeutna perenges pikasieuneun.

………………………………………………………………………………………..

1.      Amanat nu kapanggih tina éta dongéng nyaéta……

A.     kudu resep ngadukeun domba                         C. nyaah ka sasama mahluk Allah SWT

B.     nyaah ka babaturan                                         D. kudu jadi jalma males

2.      Palaku utama dina dongéng di luhur nyaéta….

A.     Aron                                                                C. domba

B.     Suhro                                                               D. Egon

Nu nelepon : “Assalaamu’alaikum, tiasa nyarios sareng Yudi?”

Sonya        : “Wa’alaikum salam, manga, ké antosan sakedap!”

Yudi          : “Halo,………………………………………….?”

Nu nelepon            : “héy, Yud! Ieu Tatang, piraku poho.”

3.      Kalimah nu éféktif jeung luyu pikeun ngalengkepan guneman dina telepon di luhur nyaéta….

A.     Mangga bade nyarios sareng saha?                  C. Kumaha damang?

B.     Dupi ieu nyarios sareng saha?                                   D. Abdi hilap deui sareng saha nya ieu téh?

BABAD  MAJALENGKA

Taun 2018 téh umur kota Majalengka nincak ka 538. Ditilik tina umurna bisa dicindekkeun yén Majalengka téh lahir taun 1490 Maséhi.

Katangtuan milangkala Majalengka téh dumasar kana Perda No. 05/OP.013.1/PD/1982 tanggal 9 Juni 2005, pasal 1 ayat 1 anu unina : ”Hari jadi Majalengka jatuh pada tanggal 7 Juni 1490 Masehi bertepatan dengan tanggal 10 Muharam”.

Tatapakan ditetepkeunana éta perda nyaéta dumasar kana babad ayana Karajaan Sindangkasih anu diratuan ku Ratu Rambut Kasih.

Kecap Majalengka téh asalna tina dua kecap nyaéta maja jeung langka. Eta kecap asalna tina basa Cirebon, maja, ngaran sarupaning buah nu bisa dipaké pikeun ngubaran kasakit muriang (malaria), sedengkeun langka hartina euweuh. Lengkepna Babad Majalengka téh saperti pedaran ieu di handap.

Mangsa harita di wewengkon Majalengka ayeuna ngadeg tilu karajaan Hindu. Cakraningrat ngaheuyeuk Karajaan Rajagaluh, Pucuk Umun di Talaga, jeung Nyi Rambut Kasih ratu di Sindangkasih.

Nyi Rambut Kasih kawentar ratu nu geulis kawanti-wanti, sakti, gedé wibawa jeung gedé komara, sarta jadi panutan rahayatna.

Sabagian tina wewengkon Sindangkasih masih mangrupa leuweung geledegan. Di antara tutuwuhanana aya nu disebut tangkal maja, anu hasiatna pikeun nyageurkeun kasakit malaria atawa muriang.

Teu jauh ti Sindangkasih, di Cirebon aya pamaréntahan anu dipingpin ku ulama kamashur, Syéh Sarif Hidayatulloh. Jaman harita, di Cirebon sumebar kasakit muriang. Loba pisan anu kaserang, malah anu tepi ka hanteuna ogé réa deuih.

Syéh Sarif Hidayatulloh ngutus Pangéran Muhamad jeung Siti Armilah pikeun neangan buah maja. Nya terus éta dua utusan téh arindit. Ngan baé lian ti rék néangan buah maja téh, Pangéran Muhamad jeung Siti Armilah boga tujuan séjén, nyaéta rék nyebarkeun agama Islam.

Lantaran utusan ti Cirebon datangna ka Sindangkasih henteu permisi heula, Nyi Rambut Kasih henteu sukaeun wewengkonna ditincak ku jalma lian. Nyi Rambut Kasih ngawatek kasakténna. Leuweung nu asalna rembet ku tangkal maja dadaksakala leungit  ilang tanpa karana. Atuh dua utusan téh teu manggihan buah anu keur ditéanganana.

“Majané langka, majané langka!” ceuk eta utusan dina basa Cirebon, anu maksudna tangkal maja téh euweuh. Nya nelah baé jadi  “majalengka”.

Sanajan anu ditéanganana teu kapanggih, Pangeran Muhamad jeung Siti Armilah henteu terus mulang ka Cirebon. Ceuk angkeuhanana, sugan baé dina hiji waktu mah bakal manggihan tangkal maja. Jadi dua utusan téh terus néangan, bari sakalian nyebarkeun agama Islam ka masarakat.

Sabada ngawurukkeun bagbagan agama Islam, Pangéran Muhamad terus matuh di Gunung Margatapa. Ari Siti Armilah ihtiar pikeun ngislamkeun Nyi Rambut Kasih. Ngan Nyi Rambut Kasih tetep tagen kana agemanana, tepi ka ahirna mah ngahiyang.

Sabada ditinggalkeun ku ratuna, Karajaan Sindangkasih aya dina kakawasaan Cirebon, sarta saterusna mah dingaranan Majalengka.

4.      Diantara pasipatan Ratu Rambut Kasih nu dicaritakeun dina carita babad di luhur nyaéta….

A.    Gedé wibawa jeung gedé komarana

B.     Gedé kawani jeung gedé karajaanna

C.     Gedé wibawa jeung gedé kanyaahna

D.    Gedé komara jeung gedé kahayangna

5.      Kumaha sikep Ratu Sindangkasih basa diajak ku Siti Armilah sangkan ngagem agama Islam?

A.    Narima                                                                        C. Teu nampik

B.     Nolak                                                              D. Teu nolak  

6.      Naon nu kaalaman ku dua utusan ti Cirebon nu dibalukarkeun ku tindakan Ratu Sindangkasih?

A.    Teu bisa manggihan buah naga                       C. Bisa manggihan buah naga

B.     Teu bisa manggihan buah maja                  D. Bisa manggihan buah maja                       

Beja ti Papandayan

Kuring talatah ka angin garing

Sugan tembus ka nu sidendang na korsi gading

Lamun ayeuna kuring rungsing

Ku sabab awak diranjah teuing

                        Kuring talatah ka walungan lahar

                        Susuganan numuwuhkeun rasa sadar

                        Mun cai geus nembongkeun rasa pengar

                        Eta hartina awak kuring teuing ku angar

Kuring talatah ka hujan lebu

Sugan ngalelemu nu luhung  panemu

Sabab weteng kuring nu pinuh ku batu

Tong nepi ka ngabalukarkeun rewuan tatu

7.      Saha nu dimaksud ku kecap kuring dina eta sajak?

A.     Walungan                                                        C. Elmuwan

B.     Gunung                                                          D. Pejabat

8.      Naon nu jadi sabab pangna pangarang nulis eta sajak?

A.    Karunya ka walungan anu caina kotor

B.     Karunya ka batu nu aya di jero gunung

C.     Hayang nyaritakeun kaayaan alam nu endah

D.    Gunung garundul lantaran kaina pada nuar      

Titenan tabel di handap, tuluy jawab pananyana!

NO	PAKASABAN KOLOTNA	JUMLAH SISWA
1.	Tani	40
2.	Wiraswasta	25
3.	Dagang	15
4.	Guru	3
5.	ABRI	1
	JUMLAH SISWA	84

     

9.      Sabaraha siswa anu pakasaban kolotna wiraswasta?

A.    40 urang                                              C. 25 urang                           

B.     15 urang                                              D. 3 urang

10.  Pakasaban naon anu jumlah siswana panglobana?

A.    Tani                                                    C. ABRI                                

B.     Dagang                                                D. Guru

Rupina mung sakieu unggel serat nu kapihatur, kalayan neda sih hapunten saupami kirang sapagodos sareng manah pangersa Bapa. Mugi bae Allah SWT sapapaosna ngaleler kawilujengan ka urang sadaya. Amiin

11.  Paragraf di luhur ka asup….

A.    Bubuka surat pribadi                           C. Panutup surat pribadi

B.     Eusi surat pribadi                                D. Salam panutup surat pribadi

Mayunan taun ajaran 2018/2019 seueur pisan perkawis nu kedah dibadantenkeun ku sadaya pangurus OSIS,  utamina patali sareng tatahar kanggo ngalaksanakeun Masa Oriantasi Siswa (MOS).  Gempungan bade dilaksanakeun :

Dinten           : Jumaah

Kaping          : 8 Juli 2018

            Waktos          : tabuh  08.00 dugika  rengse

Tempat         : Rohangan OSIS SMP Islam Darussalam

Ku kituna simkuring ngulem sadaya pangurus supados tiasa ngaluuhan eta gempungan.

12.  Tulisan di luhur ka asup kana ……

A.    Bubuka surat resmi                             C. Panutup surat resmi

B.     Eusi surat resmi                                 D. Kop surat resmi

13.  Tujuan surat di luhur maksudna nyaeta….

A.    Ngondang rapat pangurus OSIS pikeun tatahar MOS

B.     Ngondang rapat pangurus OSIS pikeun tatahar pelantikan OSIS anyar

C.     Ngondang rapat pangurus OSIS pikeun tatahar paturay tineng

D.    Ngondang rapat pamgurus OSIS pikeun acara syukuran

Urang sering miceunan waktu , dipaké ngobrol teu puguh, teu dieusian ku élmu. Kumaha bisana urang rék meunang kamajuan. Umat Islam baheula, maju lantaran soson-soson néangan élmu. Saperti Imam Syafi’i, Imam Ghozali, Ibnu Shina, jeung réa-réa deui. Urang bakal mundur lamun males néangan élmu. Nabi Muhammad SAW  tos wasiat ka urang sadaya anu unggelna : “Aranjeun kedah diajar élmu, sabab upama tambah élmu, maka bakal tambah sieun ku Alloh swt. Sarta bakal jauh tina ma’siat-ma’siat. Jeungna deui ari tolab élmu téh kaasup ibadah.”

14.  Naon sababna jaman kiwari umat islam loba anu teu maju?

A.    Getol diajar                                         C. Resep ngobrol

B.     Kedul nyiar elmu                              D. resep ngamangpaatkeun waktu

15.  Dina dawuhan Rosulullah dina sempalan hutbah di luhur diterangkeun yen kauntungan tina diajar elmu nyaeta….

A.    Tambah sieun ku Allah                    C. Pada mikaresep

B.     Babari nyiar gawe                               D. Loba sobat

Sakitu nu kapihatur, hapunten bilih aya nu pondok nyogok panjang nyugak, bobo sapanon carang sapakan, langkung saur bahé carék, hapunten anu kasuhun, jembar pangampura anu diteda.     

16.  Paragrap di luhur ka asup kana …….

A.    Panutup biantara                                          C. Eusi biantara

B.     Bubuka biantara                                              D. Eusi jeung panutup biantara

WAWARAN

Ka sadaya siswa nu bade ngajengkeun beasiswa prestasi, kedah saenggalna nepangan patugas Tata Usaha sakola. Sarat-sarat ngajengkeun beaiswa, di antawisna kedah nyanggakeun : 1.      Poto ukuran 3 x 4 salambar 2.      Pokokopi rapot 3.      Potokopi sertifikat kajuaraan 4.      Serat widi (izin) ti orang tua (sepuh) Sadaya sarat-sarat dilebetkeun kana map warna koneng. Upami kirang jentre, tepangan Pa Agus. Tiasa oge nelepon ka 0233 317875. Hatur nuhu.

 

17.  Naon jejer wawaran di luhur teh?

A.    Sarat-sarat nyerenkeun potokopian

B.     Sarat-sarat ngajengkeun beasiswa

C.     Sarat-sarat nelepon ka pa Agus

D.    Sarat-sarat nepangan patugas Tata Usaha sakola

18.  Kecap ngajengkeun dina wawaran di luhur mibanda harti nu sarua jeung kecap….

A.    Ngayakeun                                                      C. Ngahaturkeun

B.     Ngaluyukeun                                                   D. Ngajukeun

19.  Salah sahiji fungsi wawaran teh pikeun….

A.    Nepikeun niat hade kalayan sopan

B.     Nepikeun informasi ka balarea

C.     Nepikeun kahayang ka batur

D.    Mangaruhan babaturan deukeut

20.  Panumbu catur dina debat teh jalma anu boga wewenang pikeun….

A.    Ngatur lumangsungna debat ti mimiti nepi ka rengse

B.     Milih alus henteuna kelompok anu debat

C.     Meunteun kelompok anu alus dina debat

D.    Nuliskeun kacindekan tina debat